休息无喏久，沙耶香就起了。
所以着讲魔法少女的身体正方便……啊，冇彼个意思啦，是讲体质，体质问题啦(╯▽╰)
倚过头来看着伊对门口行，若鹭姬问：
“沙耶香君？汝要？”
“看外口nia……啊衰，锁起来矣。”
拢关关起矣，不管是外口的大门，亦是沙耶香面前的玻璃厝门。
天已经乌落来，内底的灯也拢开袂起，闪光魔法也有消耗，该哉因为体质，囙看着的房内犹袂乌到看袂着指头仔。
虽然看袂清土跤的报告单写的哪，但是“药房”“询问台”即咧汉字……
讲实，虽然是汉字，但是日本出身的沙耶香会看会晓喏济中国字？
*khing*比出两支毋知影是啥物款的番仔刀，沙耶香伊好像是佮即只看佮蟳仔仝的锁刣开起来。
*khang*khang*khang*喏摃嘛摃袂开，彼蟳仔款的锁好像舞着夹仔伫笑。
无敲喏久，“袂使矣，拍袂开。”沙耶香就停起，面带苦笑兮行倒遁来“魔法也无效，看像是出袂去矣。”
“诶？出袂去啦？”佇耍医疗用品的若鹭姬举头起来看伊，“啊，抵好，汝来教我即咧是——”*咕噜噜噜——*举起医疗用品的时阵，鱼腹肚内底的五脏庙仔突然就开始唱大戏矣。
静~~~
如果是彩色漫画或动画，画面面顶应该变作暗紫色，佮垂落来几条歪歪跩跩表示尴尬的粗线。
--------
按呢囙俩侬就已经踏上找食的路矣，行伫药房右边的巷路。路两边的门拢关关起。
虽然毋知影往即条路行会遘佗，反正靠人鱼的第六感……好像也正袂靠谱啊？
“汝平时食哪恰济啊~？”边行边滥散讲，早就佮大宝剑收起来的沙耶香两手抱后脑。
“我平时食哪恰济啊……”
佮一手像碇司令按呢抱面，另外一手衬伫下跤，若鹭姬边想边讲：“应该是拢会使吼，反正饭团面包寿司啥物的拢会使…”
“诶诶~？寿司~？”袂紧袂慢的语气表明沙耶香也无喏惊，只是有淡薄仔疑问，“汝食鱼仔也会使啊~？”
“反正以前伫湖内底嘛是大鱼食细鱼，寿司嘛仝号啦。”
俩侬就按呢有一亏无一亏兮边行边讲。天越来越暗矣。
入来无行喏远，囙俩侬就伫乌暗中看着一个护士站矣。
虽然毋知影彼仨个漢字是哪意思，反正应该是一个予医护人员工作的所在。
歹去的旧电脑拢是大后脑彼个显示器的款。正古早。
桌面有无啉了生菰的咖啡，也有已经死去的仙人掌。
上重要的是，虽然佮前门遐的无法比，遮的血污嘛明显比巷路的恰加真济。
----少女祈祷中----
房內真暗。「比车轴里面还要黑。」
所以正毋知影沙耶香是安怎翻出来遮呢济物件的。
阁恰奇怪的是，一个废弃的医院为啥物内底犹有遮济日常用品。
作为废弃的医院，犹会使用的医疗用品有遐呢济，嘛是真奇怪的。
[丙申霜降二 人民七十七年]